गांजा अंमली पदार्थ विक्री करणा-या इसमावर गुन्हे अन्वेषण शाखेचा छापा! पुसद ग्रामीण पो.स्टेच्या हद्दीतील घटना एकूण१६५४४०/- रु मुददेमाल जप्त!
पुसद: ग्रामीण पो.स्टेच्या हद्दीत स्थानिक गुन्हे शाखेचे पथक गस्त घालत असतात दि.१३ फेब्रुवारी रोजी सायंकाळी काळी दौ.ते साई ईजारा रस्त्यावरील वन विभागाच्या परिसरात एक इसम दुचाकीवरून प्लास्टिकच्या बॅगमध्ये गांजा विक्री करणाऱ्या घेवून जात असताना तरुणास ताब्यात घेत त्याला विचारपुस केली असता त्याच्याकडून २ किलो२७२ ग्रॅम गांजा, दुचाकी असा १६५४४/- रुपयाचा मुद्देमाल जप्त केला. ही कारवाई स्थानिक गुन्हे शाखेच्या यवतमाळ पथकाच्या वतीने करण्यात आली असून अरोपी विरुद्ध पुसद ग्रामीण पोलीस स्टेशन येथे एनडीपीएस कायद्यानुसार गुन्हा दाखल करण्यात आला आहे .
यवतमाळ जिल्ह्यात कोणत्याही प्रकारचे अवैध धंदे, शस्त्र बाळगणा-या तसेच अउघड गुन्हे, आरोपी शोध, अवैध धंदे तसेच गुंगीकारक औषधद्रव्याची तस्करी समुळ उच्चाटन व्हावे याकरीता जिल्हा पोलीस अधीक्षक कुमार चिंता (भा.पो. से) यांनी पोलीस निरीक्षक स्थानिक गुन्हे शाखा यवतमाळ यांना आदेशीत केले होते. त्याच अनुषंगाने पोलीस निरीक्षक स्थानिक गुन्हे शाखा यवतमाळ यांनी त्याचे अधिनस्थ पथकांना गोपनिय माहीती काढून प्रभावी छापा कारवाई करणे बाबत सूचना दिल्या आहेत.दि.१३ फेब्रुवारी २०२६ रोजी स्थानिक गुन्हे शाखा पथक यवतमाळ कॅम्प पुसद हे उमरखेड व पुसद उपविभागात पेट्रोलींग करीत असतांना सायंकाळी १७/०५ वाजता सुमारांस गुप्त बातमीदारा मार्फत बातमी मिळाली कि, पोलीस स्टेशन पुसद ग्रामीण हददीतील मौजे साई ईजारा ते काळी दौ रोडने एक इसम मोटार सायकल वरुन गांजा अंमली पदार्थ घेवून येणार आहे. अशी माहीती मिळाल्याने संदर्भात प्राप्त माहिती वरुन पथकाने तात्काळ वरिष्ठांना याबाबत अवगत करुन मौजे साई ईजारा गावच्या हद्दीत वन विभागाच्या मोकळया जागेत नाल्याजवळ साई ईजारा ते काळी दौ रोडवर रात्री २०/३० वाजण्याचे सुमारांस सापळा लावला असता साई ईजारा बाजूकडून एक मोटार सायकल त्यावर एक इसम मोटार सायकलच्या पुढे प्लास्टीक थैली घेवून येत असतांना दिसून आल्याने पोलीस कौशल्याचा वापर करुन अतिशय शिताफिने सदर मोटार सायकल रोडच्या बाजूला थांबवली नमूद इसम यास ताब्यात घेवून त्यांना त्याचे नाव गाव विचारले असता त्यांनी त्याचे नाव १) सुनिल दादाराव आगोसे वय ३२ वर्ष, सध्या रा. भिलवाडी ता. दिग्रस जि. यवतमाळ मूळ रा. हिवळणी ता. महागांव जि. यवतमाळ असे सांगितल्याने त्यास ताब्यात घेवून त्यांच्याकडील प्लॉस्टीक थैलीची पाहणी केली असता २ किलो २७२ ग्रॅम गांजा अंमली पदार्थ किंमत१२५४४०/- रु तसेच एक मोटार सायकल क्रमांक एम एच-२९एन२८७७ किंमत ४०००/-असा एकूण किंमत १६५४४०रु चा मुददेमाल जप्तीसह नमूद इसमा विरुध्द अंमली औषधी व मनप्रभावी पदार्थ अधिनियम १८९५ चे कलम ८ (क), २० (ब), (ब) अन्वये पोलीस स्टेशन पुसद ग्रामीण येथे गुन्हा नोंदीसह कार्यवाही करण्यात आली आहे.
स्थानिक गुन्हे शाखा, यवतमाळ ही अवैध धंदे, शस्त्र बाळगणा-या, गुन्हे उघड करणे तसेच गुंगीकारक औषधद्रव्याची तस्करी चे उच्चटन करण्यास प्रतिबध्द असुन यापुढे यासंबंधी माहिती असल्यास सदरची माहिती जनतेने पोलीसाची कोणतीही भिती मनात न बाळगता पुरवावी व पोलीसांना सहकार्य करावे असे आवाहन करण्यात आले आहे. सदरची कारवाई जिल्हा पोलीस अधीक्षक यवतमाळ कुमार चिंता (भा.पो. से) अपर पोलीस अधीक्षक यवतमाळ अशोक थोरात (म.पो. से) सा तसेच मा. सहा पोलीस अधीक्षक तथा उपविभागीय पोलीस अधिकारी हर्षवर्धन बी जे सा, (भा.पो. से) सा मा. पोलीस निरीक्षक सतीश चवरे, स्थानिक गुन्हे शाखा यवतमाळ, यांचे मार्गदर्शनात सपोनि धिरज बांडे, पोउपनि शरद लोहकरे, सफो मुन्ना आडे, पोहवा संतोष भोरगे, पोहवा तेजाब रणखांब, पोहवा सुभाष जाधव, पोहवा कुणाल मुंडोकार, पोहवा रमेश राठोड, पोशि सुनिल पंडागळे, चापोउपनि रविंद्र शिरामे, चापोशि राजेश जाधव सर्व नेम-स्थानिक गुन्हे शाखा यवतमाळ यांनी यशस्वीरित्या पार पाडली आहे.
