स्वातंत्र्य दिनानिमित्त पुसद तहसील कार्यालयावर उपविभागीय अधिकारी आशिष बिजवाल यांच्या हस्ते ध्वजारोहण!
पुसद : तहसील कार्यालयात देशाचा ७८ वा स्वातंत्र्य दिन मोठ्या दिमाखात साजरा करण्यात आला.सकाळी ९:००वाजण्याच्या सुमारास पुसदचे उपविभागीय अधिकारी आशिष बिजवल यांच्या हस्ते यांच्या हस्ते ध्वजारोहण करण्यात आले.
तहसील कार्यालयाच्या आवारात स्वच्छता, शिस्त आणि सजावट यांचे विशेष वातावरण पाहायला मिळाले. ध्वजवंदनावेळी राष्ट्रध्वजासमोर पारंपरिक वेशभूषेत लहान मुलांनी हजेरी लावली होती यावेळी पोलिसांनी ध्वजाला मानवंदना दिली.याप्रसंगी पुसद शहर पोलीस स्टेशनचे पोलीस निरीक्षक सेवानंद वानखेडे पोलिस अधिकारी, विविध शासकीय अधिकारी, विविध राजकीय पक्षांचे नेते, पुढारी, लोकप्रतिनिधी यांच्यासह शहरातील नागरिक व विविध सामाजिक संघटनेचे पदाधिकारी माजी सैनिक, महसूल कर्मचारी अदि उपस्थित होते.
ध्वजारोहणावेळी उपस्थितांनी “भारत माता की जय”, “वंदे मातरम्” अशा देशभक्तीपर घोषणांनी परिसर दुमदुमूला होता.हा स्वातंत्र्यदिन सर्व भारतीयांसाठी राष्ट्रीय अभिमान आणि एकतेचा दिवस असल्याने सर्व वातावरण देशभक्तीमय झाले होते.या कार्यक्रमानंतर राष्ट्रगीताचे सामूहिक गायन करण्यात आले व भारताचा हा राष्ट्रीय सण मोठ्या जल्लोषात साजरा करण्यात आला.या प्रसंगी उपविभागीय अधिकारी आशिष बिजवल यांची विशेष उपस्थिती लाभली. तहसीलदार कार्यालयातील अधिकारी- कर्मचारी, पोलीस दलाचे अधिकारी, पत्रकार, व्यापारी व विविध क्षेत्रातील मान्यवर तसेच असंख्य नागरिक माजी सैनिक विद्यार्थी विद्यार्थिनी मोठ्या संख्येने सहभागी होवून सर्वांनी एकमेकांना स्वातंत्र्यदिनाच्या शुभेच्छा दिल्या..
