पुसद शहरातील मुख्य बाजारपेठेतील गोळ्या बिस्कीट च्या दुकानाला भिषण आग ;आगीत लाखो रुपयांचे नुकसान!
पुसद :शहरातील मुख्य बाजारपेठेतील कापड लाईन मध्ये पापीनवार यांच्या गोळ्या बिस्कीट च्या दुकानाला भिषण आग लागल्याने त्या दुकानातील संपूर्ण साहित्य जळून खाक झाले.
ही घटना दि.१४मार्च चे संध्याकाळी सुमारे ७ते ७.३०वाजताचे दरम्यान पापीनवार यांच्या गोळ्या बिस्कीट असलेल्या बंद दुकानाला आग लागली.
पुसद शहरातील मुख्य बाजारपेठेतील दुकाने गुरूवारी बंद असतात या दूकान चे मालक पापीनवार हे बाहेरगावी गेल्याने दुकान बंद असल्याने आगीच्या भक्ष्यस्थानी दुकानातील संपूर्ण साहित्य जळून खाक झाले असून अग्निशामक दलाने अथक परिश्रमाने आग आटोक्यात आणली.
शहरातील मध्य वस्तीतील दुकानाला आग लागल्याने व्यापाऱ्यांमध्ये भिंतीचे वातावरण पसरले होते. आग विझल्याने व्यापाऱ्यांनी सुटकेचा निःश्वास टाकला.
हे स्वीट मार्ट चे होलसेल चे दुकान असल्याने प्राथमिक अंदाज नुसार लाखो रुपयांचे नुकसान झाले असून पुढील तपास शहर पोलीस स्टेशन करीत आहेत.
