अनैतिक संबंधात अडथळा ठरणाऱ्या पतीचा खून पत्नी आणि तिच्या प्रियकराला जन्मठेपेची शिक्षा! पुसद जिल्हा सत्र न्यायालयाचा महत्वपूर्ण निकाल!
पुसद:अनैतिक संबंधात अडथळा ठरणाऱ्या पतीचा निर्घृण खून करणारी पत्नी आणि तिच्या प्रियकराला पुसद जिल्हा सत्र न्यायालयाचे न्यायाधीश क्रं १श्रीमती एस.जे.रामगडिया मॅडम यांच्या कोर्टाने पत्नी व तीच्या प्रियकरास संगणमत करून खुन केल्याचा गुन्हा सिध्द झाल्यामुळे आरोपीस भा.दं.वी. चे कलम ३०२ सह ३४ अनुसार जन्मठेप व प्रत्येकी पन्नास हजार रूपये दंडाची शिक्षा व दंडाची रक्कम न भरल्यास एक वर्षाची अधिकची शिक्षा असा महत्वपुर्ण निकाल दिला आहे.
याबाबत सदर घटनेची हकीकत अशी की, या प्रकरणातील मयत सतपालसिंग उर्फ बबलु सुरजसिंग यादव व त्याचा भाऊ फिर्यादी विजयपाल सुरजसिंह यादव हे हरियाणा येथील रहिवाशी असुन ते कामानिमीत्त पुसद येथे अंदाजे २५ वर्षापुर्वी आले होते. मयत सतपालसिंह चा विवाह मधुकरनगर येथील रहिवासी आरोपी क. २ सुमन उर्फ बाली वय ३० वर्ष हिच्यासोबत झाला होता. त्या विविह संबधातुन त्यांना एक मुलगा व एक मुलगी असे दोन आपत्य होते.दि १७ जुन २०१७ रोजी सकाळी मयत सतपालसिंग हा त्याचे घरामध्ये मृतावस्थेत असल्याची माहिती फिर्यादी तथा मृतकाचा भाऊ विजयपाल यांना कळताच त्यांनी घटनास्थळ गाठले असता त्याठिकाणी त्याचा भाऊ सतपालसिंग हा मृतावस्थेत दिसला त्याचे गळ्यावर काळसर निशाण दिसले. त्यावरून मृतकाची पत्नी हीला विचारले असता तिने काहि माहिती दिली नाही. त्यानंरत फिर्यादी विजयपाल यांनी पोलीस स्टेशन वसंतनगर येथे मृतकाची पत्नी सुमन व तीचा प्रियकर शैलेंद्र खिल्लारे यांच्या अनैतिक संबंधात अडथळा ठरणाऱ्या पतीला प्रियकराज सोबत संगत मत करून पत्नीने ओढणीच्या साह्याने त्याचा गळा आवळुन जीवाने ठार केले असल्याबाबतची फिर्याद दाखल केली त्यावरून पोलीसांनी दोन्ही आरोपीतांवर भादविचे कलम ३०२ सह ३४ नुसार गुन्हा नोंद करून सहायक पोलीस निरीक्षक ब्रिजपालसिंग ठाकुर यांनी तपास केला. त्यामध्ये आरोपी शैलंद्र व सुमन यांचे घटनेपुर्वी सहा महिण्या अगोदर पासुन प्रेमसंबध होते. त्याची माहिती मृतकास झाल्याने त्याने दोघांनाही समजुन सांगीतले होते. व यामुळे दोघा आरोपींच्या प्रेमसंबधात मृतकाचा अडथळा ठरत असल्याने आरोपी पत्नी आणि प्रियकराने कट रचुन मृतकांचा खुन करण्याचे ठरविले आणि घटनेच्या दिवशी म्हणजे दि. १६ जुन ते १७ जुन २०१७ चे मध्यरात्री रात्री आरोपी शैलेद्र यांनी आरोपी सुमन यांनी संगणमत करून मृतकांचा ओढणीचे सहायाने गळा आवळुन खुन केल्याची माहिती पोलिसांनी खाक्या दाखवतात कबूल केली यातील इतर साक्षदारांच्या बयाणवरून दोषारोपपत्र दाखल केले.सदर मामला वि.न्यायालयात पुराव्यासाठी आला असता सरकारी पक्षातर्फे शासनाची बाजु सरकारी वकील ॲड. रवि केशवराव रूपुरकर यांनी ११ पुरावे व साक्षिदार सादर करून युक्तीवाद केला व कोर्टात आरोपीवर दाखल असलेला खुनाचा गुन्हा सिध्द झाल्याने आरोपीस भा.दं.वी. चे कलम ३०२ सह ३४ अनुसार जन्मठेप व प्रत्येकी पन्नास हजार रूपये दंडाची शिक्षा व दंडाची रक्कम न भरल्यास एक वर्षाची शिक्षा असा महत्वपुर्ण निकाल येथील जिल्हा अतिरिक्त सत्र न्यायाधीश क्रं. १ श्रीमती एस. जे. रामगडीया यांनी दि. ८ ऑक्टोंबर २०२५ रोजी जाहिर केला. सदर प्रकरणात वसंतनगर पो.स्टे. येथे कार्यरत असलेले पैरवी अशपाक नौरंगाबादी यांनी महत्वाची भूमिका बजावली आहे.
