काळी( दौ) येथे दुचाकीचा भिषण अपघात, १ ठार १ जखमी: परंतु सीसीटीव्ही फुटेज मध्ये ट्रॅक्टरने अपघात झाल्याची घटना उघड!
महागाव/प्रतिनिधी (संदीप कदम):- तालुक्यातील काळी दौलत येथील बस स्थानकावर असलेल्या अवैध अतिक्रमणामुळे दुचाकीचा भीषण अपघात झाल्याची घटना शुक्रवार दि.२५ ऑगस्टच्या रात्री ९ वाजताच्या सुमारास घडली यात एक युवक ठार तर एक गंभीर जखमी झाला असून करन राऊत (वय २८) असे मृतकाचे तर शंभर मोथळ (वय २५) असे जखमीच नाव दोन्ही युवक महागाव तालुक्यातील हिवरी येथील रहिवासी आहे.
प्राप्त माहिती अशी की तालुक्यातील हिवरी येथील दोन युवक आपली दुचाकी क्रमांक एम एच २९ सी ए ७३९२ ने पोखरी रोड वरून आपल्या मुळगावी जात असताना काळी (दौलत) बस स्टैंड वर एका दुकानासमोर अवैधरित्या अतिक्रमण करून लावलेले लोखंडी अँगलला दुचाकीची जबर धडक बसली या अपघातात करण राऊत (वय २५) याच्या डोक्याला गंभीर मार लागला तर दुसरा युवक शंकर मोथळ (वय २५) हा देखील गंभीर जखमी झाला,
घटनेची माहिती मिळताच तिथे उपस्थित असलेल्या नागरिकांनी तत्काळ रुग्णवाहिका व काळी (दौ) चौकी वरील पोलीसांना यांची माहिती दिली, तत्काळ पोलिस घटनास्थळी दाखल झाले व नागरिकांच्या मदतीने दोन्ही गंभीर जखमींना पुसद येथील रुग्णालयात पाठविण्यात आले, डोक्याला मोठ्या प्रमाणावर मार लागल्याने यातील करण राऊत या युवकाचा रात्री उशिरा उपचारादरम्यान मृत्यू झाला तर दुसरा जखमी युवकावर उपचार सुरु असुन प्रकृती धोक्या बाहेर असल्याचे समजते परंतु सदर अपघात ट्रॅक्टरने घडल्याचे सीसीटीव्ही फुटेज मध्ये उघड झाले आहे.
पोलिसांनी सुद्धा दुचाकी चालकावरच गुन्हा दाखल केला होता परंतु या अपघात संदर्भात आज भीम टायगर सेनेचे जिल्हाध्यक्ष किशोर कांबळे यांनी या घटनेची संपूर्ण माहिती घेतली असता व एक सीसीटीव्ही फुटेज प्राप्त केल्यामुळे या घटनेचे सत्य बाहेर आले. या फुटेज मध्ये काळी ते पोखरी रोडवर काळी बस स्थानक परिसरामध्ये दुचाकी आणि ट्रॅक्टरची धडक होऊन अपघात झाल्याने त्यात एक ठार तर एक गंभीर जखमी झाल्याची घटना काल रात्री घडली.
यावरून आता ट्रॅक्टर चालकाविरुद्ध पोलिसांनी गुन्हे दाखल केले असून भिम टायगर सेनेच्या पुढाकारे अपघात ग्रस्ताच्या कुटुंबाला न्याय मिळवून देणार असल्याचे झेप न्युज शी बोलताना कीशोर कांबळे यांनी सांगितले.
